Programi ynë pilot i mentorimit synon t’ju fuqizojë, t’ju ofrojë mundësi rrjetëzimi, të mbështesë zhvillimin personal dhe profesional për gratë në media në gjashtë vendet e Ballkanit Perëndimor (BP) - Shqipëri, BeH, Kosovë, Mali i Zi, Maqedoni e Veriut dhe Serbi. Programi do të zbatohet online, nga data 24 shkurt deri më 14 prill 2021.
Mentorimi ju dedikohet JUVE – të mentoruarave/përfitueseve dhe rritjes suaj personale dhe profesionale. Përfshin ndarjen e njohurive dhe përvojës, krijimin e një mjedisi stimulues për mësimin dhe zhvillimin e aftësive të ndryshme. Mentorimi bazohet në mirëkuptim reciprok, respekt dhe partneritet midis mentores dhe të mentoruarës/përfitueses. Mentoret do të jenë eksperte të medias nga të gjashtë vendet e BP-së.
Nëse jeni:
- Një grua në media në fillim të karrierës suaj, me sukses tashmë të dëshmuar;
- E interesuar sinqerisht për të përfituar njohuri të reja dhe për t’u zhvilluar profesionalisht;
- Dëshironi të mësoni nga një profesioniste në fushën e medias, për të ndarë përvojën dhe për të pyetur;
- Keni mundësi dhe dëshirë të ndani 2 orë në javë për takime individuale me mentoren tuaj,
- Keni mundësi të merrni pjesë në mënyrë aktive në tri punëtoritë online dhe dy konsultimet online, dhe
- Zotëroni mirë gjuhën angleze në të folur (niveli B2 ose më lart), atëherë:
Presim aplikimin tuaj!